«Շինարարության ոլորտի վիճակագրական տվյալների հավաքագրման գործընթացում կան որոշ խոչընդոտներ». Կարեն Կարապետյան
ՀՀ վարչապետ Կարեն Կարապետյանն այսօր գործադիրի նիստի ընթացքում հանձնարարականներ տվեց շինարարության ոլորտում վիճակագրական տվյալների վերաբերյալ:
Նա նշեց, որ համաձայն քաղաքաշինության պետական կոմիտեի ուսումնասիրությունների՝ շինարարության ոլորտի վիճակագրական տվյալների հավաքագրման գործընթացում կան որոշ խոչընդոտներ, որոնք նվազեցնում են վիճակագրական տվյալների լիարժեքությունը հատկապես մասնավոր կազմակերպությունների միջոցներով իրականացվող շինարարական ծավալների մասով:
«Շինարարության ոլորտում վիճակագրության ամբողջականության ապահովման և տվյալների հավաքարման, իրական վիճակի արձանագրման նպատակով հանձնարարում եմ՝ տարածքային կառավարման և զարգացման նախարարին, քաղաքաշինության պետական կոմիտեի նախագահին և առաջարկում եմ ազգային վիճակագրական ծառայության ղեկավարին երկուշաբաթյա ժամկետում ամփոփել շինարարության ոլորտում առկա միտումները, զարգացումները և կառավարության աշխատակազմ ներկայացնել առաջարկություններ դրանց արձանագրման թերությունների վերացման վերաբերյալ»,- ասաց վարչապետը:
