«Անգլիան մինչև հաջորդ Աշխարհի առաջնությունն ուժեղ հավաքական ստեղծելու գերազանց շանս ունի». Անտոնիո Կոնտե
«Չելսիի» գլխավոր մարզիչ Անտոնիո Կոնտեն մեկնաբանել է U17 Աշխարհի առաջնությունում Անգլիայի հավաքականի հաղթանակը: Ըստ Կոնտեի կարծիքի՝ շատ շուտով պատանի անգլիացի ֆուտբոլիստներն իրենց մասին կհայտարարեն նաև մեծահասակների ֆուտբոլում:
«Գտնում եմ, որ ֆուտբոլն Անգլիայում զարգանում է անհավանական տեմպերով, չէ՞ որ սա անգլիական հավաքականների միակ հաղթանակը չէ: Ավելի վաղ հաղթանակներ տոնեցին U19 և U20 հավաքականները: Դա նշանակում է, որ անգլիական ֆուտբոլն աճում է: Վստահ եմ, որ ապագայում Անգլիայի գլխավոր հավաքականին դժվար կլինի հաղթել յուրաքանչյուր մրցակցի համար: Ես եղել եմ Իտալիայի հավաքականի մարզիչը և կարող եմ ասել, որ, երբ դուք նման սերունդ ունեք, ապա առաջանում է գերազանց շանս՝ ստեղծելու ուժեղ հավաքական հաջորդ ԱԱ-ի հաամր»,- Կոնտեի խոսքերն է մեջբերում The Telegraph-ը:
Պատրաստեց Անի Գաբուզյանը
