«ԱՄՆ-ը չի շտապում պատերազմել ԿԺԴՀ-ի հետ». Պենտագոնի ղեկավար
ԱՄՆ-ը չի շտապում պատերազմ սկսել ԿԺԴՀ-ի դեմ, որպեսզի զսպի Փենյանի միջուկային հավակնությունները: Այդ մասին Պենտագոնի ղեկավար Ջեյմս Մեթիսը լրագրողներին հայտարարել է օդանավում՝ Ֆիլիպիններից Թաիլանդ մեկնելու ճանապարհին:
Նրա հայտարարությունների սղագրությունը տարածել է ռազմական գերատեսչության մամուլի ծառայությունը: «Մենք հանդես ենք գալիս ԿԺԴՀ-ի շուրջ ստեղծված իրադրությունը դիվանագիտական ճանապարհով կարգավորելու օգտին,- նշել է նա:- Ունենք մենք արդյոք հակազդման ռազմական տարբերակներ, եթե հարձակվեն մեզ վրա կամ հարձակվեն մեր դաշնակիցների վրա:
Անտարակույս, ունենք: Բայց բոլորն էլ տրամադրված են խաղաղ կարգավորման: Մենք չենք շտապում պատերազմել»: Ֆիլիպիններում Մեթիսը մասնակցել է «ԱՍԵԱՆ+» միավորման պաշտպանության նախարարների հանդիպմանը, որը միավորում է 18 երկիր, հաղորդել է ՏԱՍՍ-ը:
