Մի շարք աղմկոտ գործերից հայտնի փաստաբանը մեկնում է ԱՄՆ մշտական բնակության. «Հրապարակ»
«Հրապարակ» թերթը գրում է. «Գյումրեցի փաստաբան Թամարա Յայլոյանը պատրաստվում է «արտագաղթել»։ Մեկ անգամ մուտքի վիզան մերժելուց հետո ԱՄՆ դեսպանատունը վերջապես արտոնել է մեկնումը։ Փաստաբանը մեկնում է իր ընտրյալի մոտ՝ ամուսնության նպատակով։
Մտադիր է մշտական բնակություն հաստատել ԱՄՆ-ում եւ առայժմ չգիտի՝ կշարունակի՞ աշխատել, թե՞ ոչ։ Ընտրյալը հայ է, զբաղվում է ոսկյա զարդերի առքուվաճառքով։
Հիշեցնենք, որ Յայլոյանը որպես փաստաբան ներգրավված էր մի շարք աղմկոտ գործերով՝ Պերմյակովի, Գյումրիի կրիմինալ միջադեպերի։ Վերջին շրջանում նա պասիվ էր, նոր գործեր չէր վերցնում, պատրաստվում էր կյանքի նոր փուլին»:
Ամբողջությամբ կարող եք կարդալ «Հրապարակ» թերթի այսօրվա համարում:
