Բակո Սահակյանը մեքսիկացի պատգամավորների հետ քննարկել է խորհրդարանական կապերի հաստատման հարցը
Արցախի Հանրապետության Նախագահ Բակո Սահակյանը հոկտեմբերի 24-ին ընդունել է Մեքսիկայի Միացյալ Նահանգների Պատգամավորների պալատի Մեքսիկա-Հայաստան բարեկամության խմբի պատվիրակության անդամներին:
Ինչպես «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, հանդիպմանը քննարկվել են փոխադարձ հետաքրքրություն ներկայացնող մի շարք հարցեր: Առանձնակի ուշադրություն է դարձվել խորհրդարանական կապերի հաստատմանը, հասարակական եւ մարդասիրական հարթություններում փոխգործակցության զարգացմանը:
Հանդիպմանը մասնակցում էին ՀՀ ԱԺ նախագահի տեղակալ Էդուարդ Շարմազանովը, Արցախի Հանրապետության Ազգային Ժողովի փոխնախագահ Վահրամ Բալայանը, պաշտոնատար այլ անձինք:
