Քրդստանում որոշեցին ութ ամսով հետաձգել համընդհանուր ընտրությունները. Rudaw
Իրաքյան Քրդստանի խորհրդարանը, որտեղ սեպտեմբերի վերջին Բաղդադի կողմից չճանաչված հանրաքվե է անցկացվել անկախության շուրջ, որոշում է ընդունել ութ ամսով հետաձգել նախագահական եւ խորհրդարանական ընտրությունները:
Այդ մասին հայտնել է Rudaw հեռուստաալիքը: Խորհրդարանի նիստhg ներկա 68 պատգամավորներից 60-ը քվեարկել են ընտրությունների հետաձգման օգտին, ութ պատգամավորներ դեմ են արտահայտվել: Այսպիսով, խորհրդարանի լիազորությունների ժամկետը երկարացվել է ութ ամսով՝ մինչեւ 2018 թվականի հուլիս: Նախորդ խորհրդարանական ընտրությունները տարածաշրջանում անցկացվել են 2013 թվականին:
Նախագահական ընտրությունները տարածաշրջանում վերջին անգամ անցկացվել են 2009 թվականին, հաղորդել է ՌԻԱ Նովոստին:
