Եվս 200 կանայք են Ջեյմս Թոբեքին մեղադրել սեռական ոտնձգությունների մեջ. LA Times
Շուրջ 200 կանայք են ամերիկացի ռեժիսոր Ջեյմս Թոբեքի կողմից սեռական ոտնձգությունների մասին պատմել այն բանից հետո, երբ նախօրյակին համանման մեղադրանքներով հանդես է եկել 38 մարդ: Այդ մասին հոկտեմբերի 23-ին հայտնել է LA Times թերթը:
Ավելի վաղ տուժածները հրատարակությանը պատմել են, որ Թոբեքն իրենց մոտենում էր զբոսայգիներում, բանկերում կամ Նյու Յորքի Մանհեթենի դեղատներում եւ խոստանում դարձնել Հոլիվուդի նոր աստղեր: Սակայն ավելի ուշ հարցազրույցների կամ ունկնդրումների ժամանակ աղջիկները ոտնձգությունների էին ենթարկվում նրա կողմից:
Այս նյութի լույս տեսնելուց հետո հեռախոսով, էլեկտրոնային փոստով եւ Twitter-ում համանման պատմություններով կիսվել են եւս ավել քան 200 կանայք, գրում է թերթը: Բացի այդ, Լոս Անջելեսի ոստիկանական բաժանմունքում վերջին մի քանի օրվա ընթացքում «ռեժիսորի հետ կապված» բազմաթիվ հեռախոսազանգեր են ստացվել, հաղորդել է ՏԱՍՍ-ը:
