Հայտնի են Golden Boy-ի 3 հավակնորդները

Հայտնի են դարձել Golden Boy մրցանակի երեք հավակնորդները: Եվրոպայի մինչև 21 տարեկան լավագույն երիտասարդ ֆուտբոլիստին մրցանակը հանձնում է իտալական Tuttosport պարբերականը:

Ինչպես հաղորդում է Goal պարբերականը, մրցանակին հավակնում են Կիլիան Մբապեն (ՊՍԺ), Գաբրիել Ժեզուսը («Մանչեսթեր Սիթի») և Ուսման Դեմբելեն («Բարսելոնա»):

Սեպտեմբերին հայտարարվել էին մրցանակի 25 հավակնորդները, իսկ հիմա ցուցակը կրճատվել է մինչև 3 հոգի:

2016 թվականի մրցանակի հաղթող դարձավ պորտուգալացի կիսապաշտպան Ռենատու Սանշեշը, ով ամռանը վարձակալական հիմունքներով «Բավարիայից» տեղափոխվեց «Սուոնսի»:

Golden Boy մրցանակի հաղթողը 2017թ. արդյունքներով հայտնի կդառնա հոկտեմբերի 23-ին:

Պատրաստեց Անի Գաբուզյանը