«Հուսով եմ սկսել ֆուտբոլային կարիերաս 2018 թվականին». Ուսեին Բոլտ
Օլիմպիական ութակի չեմպիոնը հաստատել է պրոֆեսիոնալ ֆուտբոլիստ դառնալու մտադրությունը:
Ճամայկացի մարզիկը շարունակում է վերականգնվել վնասվածքից և երազում է նոր բարձրունքների մասին:
«Ես հաճույքով կխաղայի ֆուտբոլ, քանի որ հիմա ես հեռացել եմ թեթև ատլետիկայից: Ես պատմել եմ այդ մասին հարցազրույցում և շատ ակումբներ հետաքրքրվել են: Դժբախտաբար, օգոստոսին ես վնասվածք ստացա և այդ ժամանակվանից չեմ կարողանում նորմալ մարզվել: Հուսով եմ՝ ֆուտբոլ կխաղամ 2018 թվականին»,- Բոլտին է մեջբերում ՖԻՖԱ-ի պաշտոնական կայքը:
31-ամյա մարզիկը ավարտեց ատլետի կարիերան օգոստոսին՝ Լոնդոնում կայացած Աշխարհի առաջնությունից հետո:
Սեպտեմբերին Բոլտը պետք է մասնակցեր բարեգործական խաղի «Մանչեսթեր Յունայթեդի» կազմում, բայց մասնակցություն չունեցավ վնասվածքի պատճառով:
Պատրաստեց Անի Գաբուզյանը
