Բաժիններ՝

Ինչպես է ծննդյան օրն ազդում հարստանալու ճանապարհի վրա

Թվերը հաճախ են կապվում մարդու բնավորության հետ։ Dailyhoro.ru-ն գրում է, որ այս պարզ հաշվարկը կօգնի հասկանալ, թե որ ուղղությամբ է հարկավոր ջանքեր գործադրել՝ վառ ապագա ապահովելու համար։ Հարկավոր է գումարել ծննդյան տարեթվի, ամսվա ու օրվա նիշերը։ Եթե ծնվել եք 28.10.1985, հաշվարկը կատարվում է հետևյալ կերպ՝ 2+8+1+1+9+8+5=34 = 7։ Եթե հաշվարկի արդյունքում ստացել եք 11 կամ 22 թվերը, դրանց նիշերը հարկավոր չէ գումարել։

#1: Այս թիվը վկայում է ուժեղ անհատականության և լիդերի հատկության մասին։ Ամբիցիոզ եք, տանել չեք կարողանում, երբ հրամայում են ձեզ։ Նախընտրում եք ղեկավար պաշտոններ զբաղեցնել։ Գործում եք հետևողականորեն, գիտակցված։ Դեպի հարստություն տանող ճանապարհն անցնում է ակտիվ կենսակերպի, մարդկանց կարծիքը լսելու և զիջումների գնալու կարողության միջով։ Խորհուրդ է տրվում զարգացնել հումորի զգացումը, որը կօգնի հաղթահարել մի շարք տհաճ իրավիճակներ։

Այս մարդկանց բնորոշ դրական հատկությունների շարքում կարելի է առանձնացնել նպատակներին հասնելու համառությունը, վստահությունը, հպարտությունն ու կամքի ուժը։ Բացասական հատկություններից են եսակենտրոնությունը, մարդկանց օգտագործելու հատկությունը, պարծենկոտությունը, ալարկոտությունը։ Այս հատկությունները հաճախ խանգարում են ավարտին հասցնել սկսած գործը։

#2։ Այս թիվը վկայում է այն մասին, որ հաջողության կարող եք հասնել թիմային աշխատանքում։ Դրա համար ունեք անհրաժեշտ բոլոր հատկությունները՝ շփվող եք, բարեսիրտ, ջանասեր։ Հարկավոր է զարգացնել դիվանագիտական կարողությունները։ Շատերը հաջողության են հասնում՝ ամուսնանալով ու ընտանեկան գործով զբաղվելով։

Կարդացեք նաև

Բացասական հատկություններից կարելի է առանձնացնել գերզգայունությունը և նեղացկոտությունը, մարդկանց կարծիքի անտեսումը, կամքի թուլությունը, ռիսկի դիմելու ցանկության բացակայությունը։ Այս հատկությունները հաղթահարելով՝ կարող եք անցնել դեպի հարստություն տանող ճանապարհը։

#3։ Հաջողակ եք, էնտուզիաստ։ Հաջողության հասնելու համար հարկավոր է օգտագործել ինտուիցիան ու սկսել ինքնադրսևորվել գործնական ոլորտում։ Ձեզ բնորոշ են լիդերի հատկություններ, ինչը կարող է օգնել արագ հասնել ցանկալի պաշտոնին։ Կարողանում եք համոզել, այդ պատճառով հեշտությամբ եք ղեկավարում մարդկանց։ Հարուստ երևակայությունն օգտագործեք նոր, հետաքրքիր նախագծերն ու մտքերն իրագործելու համար։ Քիչ ուշադրություն դարձրեք, թե ինչ են ասում նրանք, ովքեր նախանձում են ձեզ։

Հաջողության հասնելու համար հարկավոր է պայքարել այնպիսի բացասական հատկությունների դեմ, ինչպիսիք են շատախոսությունը, խանդը, ցածր ինքնագնահատականը։ Հաղթահարելով այս կարողությունները՝ կկարողանաք հաջողության հասնել։

#4։ Զարգացած ինտելեկտ ունեն, կարող են նկատել ցանկացած մանրուք։ Հաջողության հասնելու համար հարկավոր է սովորել աշխատել երկարաժամկետ ծրագրերի վրա, խնայել վաստակած գումարը և չխուսափել պատասխանատվությունից։

Բացասական հատկությունների դեմ պայքարելու համար  հարկավոր է սկսել սովորել ընդունել շրջապատի կարծիքը, քննադատությունից հրաժարվել։ Հարկավոր է զարգացնել համբերությունը։

#5։ Ակտիվ են, անհամբեր, բազմազանության ու ամեն ինչ և միանգամից ստանալու անհագ ցանկություն ունեն։ Հարկավոր է գտնել աշխատանք, որի դեպքում ստիպված չեք լինի շարժվել հատուկ գրաֆիկով։ Զբաղվեք աշխատանքով, որը հետաքրքրում է ձեզ։ Շփվելու կարողությունը կօգնի շահել շրջապատի վստահությունը։

Պայքարեք անպատասխանատվության, անտարբերության, եսասիրական զգացումների դեմ. դրանք կխանգարեն ձեզ։

#6։ Բաց են, բարյացակամ։ Հաջողության հասնելու համար հարկավոր է սովորել ձեր շուրջը բարձր և դրական տրամադրություն ստեղծել։ Շրջապատեք ձեզ հարմարավետությամբ։ Հարստության հասնելն ուղղակիորեն կապված է տան ու ընտանիքի հետ։ Ուշադրություն դարձրեք բժշկի ու ուսուցչի աշխատանքին։

6 թվի հետ կապված բացասական հատկություններից են կամակորությունը, հպարտությունը, մյուսների գործերից տեղյակ լինելու ցանկությունը, անտարբերությունը և շրջապատին ճնշելու հակումը։ Հաղթահարելով այս հատկությունները՝ կկարողանք հասնել ցանկալի արդյունքի։

#7։ Հետևողական եք, լավատես, հակված միայնության։ Հաջողության հասնելու համար հարկավոր է զարգացնել տաղանդները՝ ժամանակ տրամադրելով ինքնակրթմանն ու սեփական մտքերն առաջ տանելուն։ Հաջողության հասնելու գործում կօգնի լավ զարգացած ինտուիցիան, հավասարակշռված բնավորությունն ու համբերությունը։

Հաղթահարեք չափազանց փակ լինելը, մելանխոլիայի հակվածությունը։

#8։ Հարկավոր է սովորել ղեկավար պաշտոններ զբաղեցնել, զարգացնել հռետորի կարողությունները և մյուսների համար աշխատելու հատկությունը։ Կարողանում եք հաջողությամբ կառավարել բիզնեսը, ինչը մեծ հեռանկարներ է բացում ձեր առաջ։ Բայց հարկավոր է մեծ ջանքեր գործադրել ոտքի կանգնելու համար։

Ֆինանսական ոլորտում հաջողության հասնելու ճանապարհին ձեզ կարող են խանգարել առողջությունն անտեսելը, բարձր ամբիցիաներն ու անհամբերությունը։ Հարկավոր է սովորել խնայել վաստակած միջոցները։

#9։ Բազմաթիվ տաղանդներ ու բարձր ինտելեկտ ունեն։ Հաջողության հասնելու համար հարկավոր է սովորել համբերատար վերաբերվել շրջապատին, սկսել զարգացնել սեփական կարողությունները։ Ձեզ հարկավոր չէ իշխանություն և հոգատարություն, քանի որ անհատական աշխատանքը ձեզ նյութական ու հոգեբանական բավարարվածություն կպարգևի։

Հարկավոր է հաղթահարել չարությունը, ժլատությունը, վճռականության բացակայությունը, տրամադրության հաճախակի անկումները։

#11։ Հաջողության հասնելու համար հարկավոր է զարգացնել ինտուիցիան, լսել ներքին ձայնին, որը հնարավորություն կտա խուսափել տհաճ իրավիճակներից ու կհուշի հաջողության տանող կարճ ճանապարհը։ Կարող եք օգնել մարդկանց։

Սկսեք պայքարել բացասական հատկությունների դեմ, ինչպիսիք են հակվածությունը սուտ խոսելուն, եսասիրության դրսևորումները, անտարբերությունը։

#12։ Լիդերի հատկություններ ունեք։ Ձեզ համար բաց են ճանապարհները, որոնք կապված են ղեկավարելու և ճակատագրական որոշումներ կայացնելու հետ։ Կարող եք ղեկավարել մադկանց, ղեկավար պաշտոններ զբաղեցնել, աշխատել հանուն երկրի բարօրության։

Հաջողության հասնելու ճանապարհին կարող են խոչընդոտել նյարդային լինելը, պարծենկոտությունը, կարիերայի հենց սկզբում խոշոր նախագծերի հետ աշխատելու ցանկությունը։ Մի անտեսեք պարտականությունները։

Նյութը հրապարակման պատրաստեց 168.am-ը

Բաժիններ՝

Տեսանյութեր

Լրահոս