««Բավարիան» պետք է առաջընթաց ունենա, կան թիմեր, որոնք մեզանից ուժեղ են». Յուպ Հայնկես
Մյունխենի «Բավարիայի» գլխավոր մարզիչ Յուպ Հայնկեսը մտադիր չէ բավարարվել թիմի խաղի ներկայիս մակարդակով: Գերմանական գրանդի մարզիչը գտնում է, որ այսպիսի խաղով «Բավարիան» ընթացիկ մրցաշրջանում չի կարող հասնել մեծ հաջողությունների, և առաջին հերթին՝ միջազգային արենայում:
««Բավարիան» իրոք պետք է առաջընթաց ունենա: Չէ՞ որ Եվրոպայում կան թիմեր, որոնք հաստատապես ավելի ուժեղ են մեզանից»,- Հայնկեսի խոսքերն է մեջբերում Bild-ը:
Հայնկեսը գլխավորեց մյունխենցիներին հոկտեմբերի 9-ին՝ այդ պաշտոնում փոխարինելով ակումբից հեռացված Կարլո Անչելոտիին:
Պատրաստեց Անի Գաբուզյանը
