Օզիլը հաղորդել է ակումբակիցներին, որ ամռանը կտեղափոխվի «Մանչեսթեր Յունայթեդ»
«Արսենալի» կիսապաշտպան Մեզութ Օզիլն արդեն հունիսին կարող է վերամիավորվել իր նախկին մարզիչ Ժոզե Մոուրինիոյի հետ:
Ընթացիկ մրցաշրջանի ավարտից հետո 29-ամյա կիսապաշտպանը կդառնա ազատ գործակալ, քանի որ նրա պայմանագրի գործողության ժամկետը «զինագործների» հետ ավարտվում է:
Տվյալ պահին կողմերը հեռու են պայմանագրի երկարաձգումից, և ամեն ինչ գնում է նրան, որ գերմանացին արդեն հունիսին կհեռանա լոնդոնյան ակումբից:
Ինչպես հաղորդում է The Mirror-ը, Օզիլն արդեն հաղորդել է իր ակումբակիցներին այն մասին, որ ամռանը կդառնա «Մանչեսթեր Յունայթեդի» ֆուտբոլիստ:
ԱՊԼ-ի ընթացիկ խաղարկությունում Օզիլն անցկացրել է 6 հանդիպում՝ աչքի չընկնելով ոչ մի արդյունավետ գործողությամբ:
Պատրաստեց Անի Գաբուզյանը
