Բուդապեշտը Կիևին ստիպեց հրաժարվել հունգարական դպրոցների ուկրաինացումից
Կիեւը չի ուկրաինացնելու հունգարական դպրոցները: Այդ մասին հայտարարել է Ուկրաինայի կրթության նախարար Լիլյա Գրինեւիչը: «Ուկրաինան հանձնառու է կատարել իր միջազգային պարտավորությունները, այդ թվում Հունգարիայի հետ երկկողմ հարաբերություններում, այն բանի վերաբերյալ, որ մեր երկրներում ազգային փոքրամասնությունների ներկայացուցիչները կարող են կրթություն ստանալ մայրենի լեզվով ուսուցման բոլոր փուլերում»,-ասված է ուկրաինական եւ հունգարական կողմերի համատեղ հայտարարության մեջ:
Այս համաձայնությունը ձեռք է բերվել կողմերի հանդիպմանը, որին մասնակցել են Ուկրաինայի արտաքին գործերի նախարար Պավել Կլիմկինը եւ Հունգարիայի մարդկային ռեսուրսների նախարար Զոլտան Բալոգը:
Կիեւը համաձայնել է, որ, նախքան Վենետիկի հանձնաժողովի եզրակացությունները, չի փոխի ուսուցման գործընթացը հունգարական դպրոցներում:
