«Բարսելոնան» կարող է սնանկանալ
Կատալոնական «Բարսելոնային» սնանկացում է սպառնում: Այս մասին խոսում է իսպանական մամուլը՝ հղում անելով ներքին աղբյուրի:
Ըստ իսպանական ԶԼՄ-ների՝ «Ատլետիկոյի» հետ հանդիպման ժամանակ կատալոնական ակումբի ներկայացուցիչներից մեկը նշել է, որ, եթե Կատալոնիան անկախանա, ապա ակումբը կունենա հսկայական ֆինանսական խնդիրներ:
Ըստ կատալոնական ակումբի ներկայացուցչի՝ անկախությունից երեք ամիս անց ակումբն այլևս գոյություն չի ունենա, քանի որ բոլոր հովանավորները կխզեն պայմանագրերը, իսկ ֆուտբոլիստները կհեռանան ազատ գործակալի կարգավիճակով;
Այս տեղեկությունները հերքվել են կատալոնական ակումբի կողմից, սակայն՝ ոչ պաշտոնապես:
Ավելի վաղ ակումբի նախագահ Բարտոմեուն հրապարակային ելույթի ժամանակ նշել էր, որ ակումբը վնասներ չի կրի Կատալոնիայի անկախացումից:
Սիրարփի Աղաբաբյան
