2017թ. Դոնարուման սեյվերի քանակով լավագույնն է
«Միլանի» երիտասարդ դարպասապահ Ջանլուիջի Դոնարուման եվրոպական թոփ-5 լիգաների բոլոր դարպասապահների մեջ ամենից շատն է փրկել իր դարպասներն ընթացիկ տարում:
18-ամյա իտալացին հենց այնպես չէ, որ համարվում է աշխարհի ամենահեռանկարային դարպասապահը. նա դա հաստատում է վստահելի և վառ խաղով: Ինչպես հաղորդում է WhoScored-ը, 2017 թվականին Դոնարուման հետ է մղել 99 հարված, ինչը հանդիսանում է ամենաբարձր ցուցանիշը թոփ-5 լիգաների բոլոր դարպասապահների մեջ:
Ընթացիկ մրցաշրջանում Ջանլուիջին անցկացրած 12 խաղերից 5-ում իր դարպասները չոր է պահել՝ ընդհանուր առմամբ բաց թողնելով 13 գնդակ: Ամռանը երկարատև և դժվարին բանակցություններից հետո Դոնարուման նոր պայմանագիր ստորագրեց «Միլանի» հետ, որն ուժի մեջ է մինչև 2021 թվականը: Համաձայնագրում նախատեսված է հրաժարագին՝ 70 մլն եվրոյի չափով:
Պատրաստեց Անի Գաբուզյանը
