17-ամյա աղջկա բռնաբարության դեպքի վերաբերյալ քրեական գործ է հարուցվել
17-ամյա մի աղջիկ Շիրակի մարզի դատախազություն հաղորդում է տվել այն մասին, որ տղամարդու կողմից սեռական ոտնձգության է ենթարկվել: Դեպքը տեղի է ունեցել Շիրակի մարզի վարչական տարածքում ավելի վաղ, սակայն աղջիկը միայն վերջերս է բարձրաձայնել տեղի ունեցածի մասին:
Շիրակի մարզի դատախազ Կարեն Գաբրիելյանը 168.am-ի հետ զրույցում նշեց. «Ունենք հաղորդում տված անձ, որի նկատմամբ կատարվել է նշված արարքը: Մենք համապատասխան՝ 138 հոդվածի հատկանիշներով հարուցել ենք քրեական գործ, կատարվում է նախաքննություն»:
Ա. Ս.
