ԱՊՀ-ի հաջորդ գագաթնաժողովը տեղի կունենա 2018 թվականին Տաջիկստանում
ԱՊՀ-ի հաջորդ գագաթնաժողովը տեղի կունենա 2018 թվականի սեպտեմբերի վերջին Տաջիկստանում: Այդ մասին հայտնել է ԱՊՀ-ի գործադիր քարտուղար Սերգեյ Լեբեդեւը՝ ամփոփելով Համագործակցության երկրների ղեկավարների՝ Սոչիում կայացած հանդիպման արդյունքները, տեղեկացնում է ՏԱՍՍ-ը:
«Հաշվի առնելով այն, որ հաջորդ տարի ԱՊՀ-ի նախագահությունն ընդունում է Տաջիկստանը, այդ երկրի նախագահ Էմոմալի Ռահմոնն առաջարկեց ԱՊՀ-ի պետությունների ղեկավարների խորհրդի հաջորդ նիստն անցկացնել 2018 թվականի սեպտեմբերին Դուշանբեում»,-ասել է Լեբեդեւը: Նա ճշտել է, որ համապատասխան որոշումն ընդունվել է:
Համագործակցության գործադիր քարտուղարը հավելել է, որ 2018 թվականին որպես ԱՊՀ-ի համանախագահ հանդես կգա Թուրքմենստանը, որին ԱՊՀ-ի նախագահությունը կանցնի 2019 թվականին:
