Պիռլոն կարող է դառնալ Կոնտեի օգնականը
«Նյու Յորք Սիթի» կիսապաշտպան Անդրեա Պիռլոն դեկտեմբերին կարիերան ավարտելուց հետո կարող է աշխատանքի անցնել «Չելսիում»՝ Անտոնիո Կոնտեի մարզչական շտաբում:
Ավելի վաղ Պիռլոն Կոնտեի գլխավորությամբ հանդես է եկել «Յուվենթուսում» և Իտալիայի հավաքականում:
«Դեռ չգիտեմ՝ ինչպես կդասավորվի իմ ապագան: Դեկտեմբերին կվերադառնամ Իտալիա: Կդառնա՞մ արդյոք Կոնտեի օգնականը: Մարդիկ խոսում են այդ մասին: Ես այդ կապակցությամբ մտքեր ունեմ, բայց որոշում կայացնելու համար ժամանակ է անհրաժեշտ»,- ասել է Պիռլոն:
Պատրաստեց Անի Գաբուզյանը
