«Սասնա ծռերի» գործի երրորդ մասը մակագրվել է դատարանի նախագահին
«Սասնա ծռեր» խմբավորման անդամների վերաբերյալ գործից անջատված քրեական գործը մակագրվել է Էրեբունի և Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանին։
Գործն անջատելու մասին որոշումը նույն դատարանի մեկ այլ դատավոր Արտուշ Գաբրիելյանը կայացրել էր սեպտեմբերի 28-ին։
Արթուր Օհանյանը կքննի Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորկ Իրիցյանի, Թորոս Թորոսյանի վերաբերյալ մասը։
