60-ից ավելի ռոհինջա մուսուլմաններ են զոհվել Բենգալական ծոցում նավի խորտակման հետևանքով
Առնվազն 63 ռոհինջա մուսուլմաններ են զոհվել Բենգալական ծոցում նավի խորտակման հետեւանքով. նրանք փորձում էին Մյանմայից հասնել Բանգլադեշ: Այդ մասին հայտնել է «Ասոշիեյթեդ պրես» գործակալությունը՝ հղում անելով Միգրացիայի միջազգային կազմակերպությանը:
Միջադեպը տեղի է ունեցել նախօրյակին: Կազմակերպությունում հաստատել են 23 մարդու զոհվելը: Եվս 40 մարդ խեղդված է համարվում, թեեւ նրանց մարմինները դեռեւս չեն հայտնաբերվել:
Ավելի վաղ նավաբեկությունից փրկվածները հայտարարել են, որ խորտակված նավում հարյուրից ավելի մարդ էր գտնվում: Իր հերթին Միգրացիայի միջազգային կազմակերպությունը հայտնել է մոտավորապես հարյուր փախստականներից շուրջ 30-ի փրկվելու մասին, հաղորդել է «Ինտերֆաքս»-ը:
