«Եվրատեսիլ-2017»-ի հաղթողը վերակենդանացման բաժանմունքում է՝ սպասելով սրտի փոխպատվաստման
Պորտուգալացի երգիչ Սալվադոր Սոբրալին տեղափոխել են ինտենսիվ թերապիայի բաժանմունք: Այս մասին հայտնել է La Vanguardia-ն։
Նրա վիճակը վերջին օրերին վատացել է, արտիստին սրտի փոխպատվաստում է անհրաժեշտ: Սոբրալն առաջինն է օրգանի փոխպատվաստման հերթում: 27-ամյա երգիչը սրտի բնածին արատ ունի:
Սալվադոր Սոբրալը «Եվրատեսիլ» երաժշտական մրցույթի հաղթող է դարձել 2017 թվականին: Նա կատարել է Amar pelos dois կոմպոզիցիան:
