«Մատիչը և Ֆելաինին գտնվում են իրենց մարզավիճակի գագաթնակետին». Ժոզե Մոուրինիո
«Մանչեսթեր Յունայթեդի» գլխավոր մարզիչ Ժոզե Մոուրինիոն մեկնաբանել է կիսապաշտպաններ Մարուան Ֆելաինիի և Նեմանյա Մատիչի խաղային մարզավիճակը: Մոուրինիոն կարծում է, որ հենց այս պահին Մատիչը և Ֆելաինին ցուցադրում են իրենց լավագույն ֆուտբոլը:
«Ինձ թվում է, որ հենց այս պահին Մատիչը և Ֆելաինին գտնվում են լավագույն մարզավիճակում այն ամբողջ ընթացքում, ինչ ես ծանոթ եմ նրանց հետ: Երբեք չեմ տեսել, որ Նեմանյան այդքան լավ խաղա: Նույնը վերաբերում է նաև Ֆելաինիին»,- Մոուրինիոյին է մեջբերում «կարմիր սատանաների» պաշտոնական կայքը:
Ընթացիկ մրցաշրջանում Ֆելաինին «Մանչեսթեր Յունայթեդի» կազմում անցկացրել է 6 հանդիպում և խփել է 2 գնդակ: Մատիչն իր հերթին՝ սկզբից մինչև վերջ խաղացել է մրցաշրջանի բոլոր 7 հանդիպումներում:
Պատրաստեց Անի Գաբուզյանը
