«Հայերը մեզ շատ ազատ տարածություններ էին տալիս». Դանիայի մարզիչ
Ֆուտբոլի Դանիայի ազգային թիմի գլխավոր մարզիչ Ագե Հարեյդեի կարծիքով Դանիան հաղթեց, քանի որ շատ ազատ տարածություններ էր ստանում:
«Բնականաբար գոհ եմ խաղի արդյունքից: Մենք որոշում կայացրեցինք խաղալ նույն թիմում, որով խաղացինք Լեհաստանին: Դրա համար էլ երկու օր առհասարակ մարզումներ չէինք իրականացրել: Իմ կարծիքով հենց դա էր, որ մեկնարկային 15 րոպեներին խնդիրներ ունեինք: Լեհերի համեմատ հայերը մեզ շատ ազատ տարածություններ էին տալիս»,- ասաց Հարեյդեն:
Ֆուտբոլի աշխարհի առաջնության ընտրական փուլի հերթական խաղում Երևանում կայացած խաղում Հայաստանի հավաքականը խոշոր հաշվով պարտվեց Դանիային 1:4:
