Ադրբեջանի, Թուրքիայի և Վրաստանի ԱԳ նախարարները կհանդիպեն Բաքվում
Բաքվում սեպտեմբերի 6-ին տեղի կունենա Ադրբեջանի, Թուրքիայի և Վրաստանի արտաքին գործերի նախարարների եռակողմ վեցերորդ հանդիպումը: Այս մասին հայտնում է Թուրքիայի արտաքին գործերի նախարարությունը:
Հանդիպման ժամանակ նախարարները կքննարկեն նախորդ հանդիպումներում ընդունած որոշումներ, տարածաշրջանային տարբեր հարցեր:
Բացի այդ, Թուրքիայի ԱԳ նախարար Մևլութ Չավուշօղլուն երկկողմ հանդիպումներ կունենա Ադրբեջանի և Վրաստանի գործընկերների հետ: Նրան կընդունի նաև Ադրբեջանի նախագահ Իլհամ Ալիևը:
