Եղիսաբեթ Երկրորդը բացել է Մեծ Բրիտանիայի ամենաբարձր կամուրջը
Մեծ Բրիտանիայի Եղիսաբեթ Երկրորդ թագուհին սեպտեմբերի 4-ին Շոտլանդիայում բացել է երկրի ամենաբարձր կամուրջը, որը կրում է Queensferry Crossing անվանումը: Դրա երեք հենարանները հասնում են 207 մետր բարձրության։
Կառույցի պաշտոնական բացման արարողությունը հեռարձակվում էր Sky News հեռուստաալիքի եթերում: 91-ամյա թագուհին 96-ամյա ամուսնու՝ արքայազն Ֆիլիպի ուղեկցությամբ եւ Շոտլանդիայի առաջին նախարար Նիկոլա Սթերջենի ներկայությամբ կտրել է խորհրդանշական ժապավենը՝ պաշտոնապես բացելով կամուրջը տրանսպորտի երթեւեկության համար:
Queensferry Crossing-ի ընդհանուր երկարությունը, որը Ֆերթ օֆ Փորթ ծոցի վրայով ձգվում է դեպի Էդինբուրգից արեւմուտք ընկած շրջան, կազմում է 2700 մետր, ինչն այն դարձնում է աշխարհում ամենաերկար եռահենարանային ճոպանային կամուրջը: Չորս կամրջամասերից առավել երկարը կազմում է 650 մետր, հաղորդել է ՏԱՍՍ-ը:
