Ինչպես է հարկավոր սիրել Խեցգետնին
Soulpost.ru-ն գրում է, որ Խեցգետինները կամակոր են, չափազանց զգացմունքային և հաճախ են նեղանում։ Շփումը նրան հասկանալու բանալին է։ Հաճելի խոսքն ու ռոմանտիկ ժեստը Խեցգետնին թույլ կտան հասնել աստղերին, իսկ արհամարհական վերաբերմունքն ու սխալ ընտրված բառերը նրան կստիպեն մտածել, որ նա ավելիին է արժանի։
Կին Խեցգետինները շատ զգացմունքային են, ինչի հետևանքով հաճախ են ցանկանում միայնակ մնալ սեփական մտքերի հետ՝ հանգստանալու համար այն ամենից, ինչ նրանց շրջապատում է։
Խեցգետինը պետք է լուրջ ջանքեր գործադրի՝ ազատվելու համար արտաքին «թաղանթից», որը պաշտպանում է նրա զգացմունքները։ Շատ Խեցգետիններ սիրելիների հետ որոշակի տարածություն են պահպանում՝ իրենց չենթարկելով սիրո մեջ խորասուզվելու ռիսկին։ Սա ընդամենը մի պատճառ ունի. Խեցգետինները չգիտեն կիսատ սիրել։ Չնայած նրանք սիրում են ինքնաբերականություն, գրեթե երբեք չեն ընտրի մի գիշերվա սեռական հարաբերություն, քանի որ չեն ցանկանում մերժված և ըստ արժանվույն չգնահատված զգալ։
Եթե Խեցգետնի սրտում եք, նշանակում է՝ նաև նրա մտքում եք։ Նա կտա ամենը, ինչ ունի, դրա փոխարեն շատ քիչ բան պահանջելով։ Նրա գլխավոր ցանկությունը գնահատված ու պաշտպանված լինելն է։ Խեցգետնի հետ սիրային հարաբերություններ կառուցելու ճանապարհին հարկավոր է իմանալ, որ շատերն են ցավ պատճառել նրան։ Դա ձեր մեղքը չէ, բայց ժամանակ առ ժամանակ կարող է ազդել Խեցգետնի վրա։ Նա չի սպասում, որ ուղղեք անցյալը, նրա համար պարզապես կարևոր է իմանալ, որ կարող է ձեզ վստահել իր կոտրված սիրտը՝ ձեզ տալու համար այն ամենը, ինչ ունի։
Հավատացած եղեք, որ Խեցգետինը չի համաձայնի ավելի քիչ ստանալ, քան արժանի է. նա բավական շատ հոգեկան ցավ է ապրել՝ դառնալու համար այն, ինչ կա։ Խեցգետինը կայունություն է փնտրում՝ չնայած ապրում է արկածների համար։ Խեցգետինը ցանկանում է հետազոտել աշխարհը նրա հետ, ում վստահում է։ Նա փնտրում է սեր, ում հետ կարելի է աճել։
Հավատացած եղեք, որ Խեցգետնի սերը մաքուր է և նվիրված։
Նյութը հրապարակման պատրաստեց 168.am-ը
