Կիլիան Մբապեն՝ ՊՍԺ-ի ֆուտբոլիստ
ՊՍԺ-ն հայտարարեց «Մոնակոյի» և Ֆրանսիայի հավաքականի հարձակվող Կիլիան Մբապեի ձեռքբերման մասին: 18-ամյա ֆուտբոլիստը վարձավճարով հանդես կգա ՊՍԺ-ի կազմում՝ 2018 թվականին անպայման գնման պայմանով: Այդպիսով ՊՍԺ-ն պլանավորում է ծախսերը հետաձգել մինչև մյուս մրցաշրջան՝ ֆեյր-փլեյի խախտման համար պատժից խուսափելու համար:
Վերջնական տեղափոխությունից հետո Մբապեն կստորագրի մինչև 2022 թվականը նախատեսված պայմանագիր, հաղորդում է փարիզեցիների պաշտոնական կայքը:
Ինչպես հաղորդում է L’Equipe-ը, հաջորդ ամռանը ՊՍԺ-ն «Մոնակոյին» կվճարի 180 մլն եվրո, ինչը Մբապեին կդարձնի ֆուտբոլային պատմության երկրորդ ամենաթանկ ֆուտբոլիստը:
Հիշեցնենք, որ այս ամռանը Նեյմարը «Բարսելոնայից» ՊՍԺ տեղափոխվեց 222 մլն եվրոյի դիմաց:
Պատրաստեց Անի Գաբուզյանը
