Հայաստանը և Ղազախստանը նշում են դիվանագիտական հարաբերությունների հաստատման 25-ամյակը
Հայաստանը և Ղազախստանը օգոստոսի 27-ին նշում են դիվանագիտական հարաբերությունների հաստատման 25-ամյակը:
Այդ ընթացքում Հայաստանը և Ղազախստանը կառուցել են բարեկամական հարաբերություններ փոխադարձ հարգանքի, հետաքրքրությունների և իրավահավասար գործընկերության հիմքի վրա: Երկու երկրների միջև հաստատված են սերտ քաղաքական, տնտեսական, մշակութային և հումանիտար կապեր:
Իրականացվում են պարբերական շփումներ բոլոր մակարդակներում: Միջպետական հարաբերությունների գրեթե ողջ տիրույթում ձևավորվել է ամուր իրավական բազա: Նշանակալի օրվա կապակցությամբ փոխադարձ շնորհավորական ուղերձներով են փոխանակվել Հայաստանի և Ղազախստանի ղեկավարները, խորհրդարանների խոսնակները, արտաքին գործերի նախարարները:
