Սպիտակ-Վանաձոր ավտոճանապարհին ավտոմեքենան դուրս է եկել ճանապարհի երթևեկելի հատվածից
Օգոստոսի 26-ին, ժամը 22:49-ին տեղեկություն է ստացվել, որ Մ-3 ավտոճանապարհի Սպիտակ-Վանաձոր հատվածում՝ «Ռոսիա» ռեստորանի մոտակայքում, տեղի է ունեցել ՃՏՊ, ավտոմեքենայում կան արգելափակված քաղաքացիներ. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ և մարզային փրկարարական վարչության օպերատիվ խումբը:
Պարզվել է, որ Մ-3 ավտոճանապարհի Սպիտակ-Վանաձոր հատվածի 11-րդ կմ-ին «Opel Astra G» մակնիշի 34 AA 992 պետհամարանիշով (վարորդ՝ 1973 թ. ծնված Կ. Ս.) ավտոմեքենան դուրս է եկել ճանապարհի երթևեկելի հատվածից և գլորվել ձորակը:
Փրկարարներն ավտոմեքենայից դուրս են բերել ուղևորներ՝ 2001 թ. ծնված Ա. Ս.-ին, 1975 թ. ծնված Ա. Գ.-ին և ավտոմքենայի վարորդին. վերջիններս հոսպիտալացվել են Վանաձորի ԲԿ, որտեղ բժիշկները նրանց առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենան և փակել գազի բալոնի փականը:
