Պերեսը պահանջում է վերաստորագրել Ասենսիոյի հետ պայմանագիրը և ավելացնել հրաժարագինը՝ մինչև 500 մլն եվրո
«Ռեալի» նախագահը ցանկանում է պաշտպանել երիտասարդ աստղին այլ ակումբների կողմից ոտնձգություններից:
Ֆլորենտինո Պերեսը պահանջել է վերաստորագրել Մարկո Ասենսիոյի հետ պայմանագիրը: Նախագահը վախենում է կորցնել ֆուտբոլիստին, ում հրաժարագինը կազմում է 350 մլն եվրո: Ինչպես հաղորդում է Marca-ն, Պերեսն ուզում է, որպեսզի կիսապաշտպանը երկարաձգի պայմանագիրը՝ մինչև 2023 թվականը. այդ դեպքում նրա աշխատավարձը 3.5 մլն եվրոյից կաճի մինչև 4.5 մլն եվրո, իսկ հրաժարագինը կդառնա 500 մլն եվրո:
Ասենսիոյի գործող պայմանագիրը «Ռեալի» հետ ուժի մեջ է մինչև 2022 թվականը: Եթե Մարկոն վերաստորագրի պայմանագիրը, ապա նրա հրաժարագինը կհասնի մինչև Թոնի Կրոսի և Լուկա Մոդրիչի մակարդակին:
Պատրաստեց Անի Գաբուզյանը
