Շամիրամ գյուղի սգո սրահում կրակոցներ արձակելու կասկածանքով ոստիկանությունը որոնում է 50-ամյա Թելման Քալաշյանին

ՀՀ ոստիկանության ձեռնարկված օպերատիվ-հետախուզական և քննչական համատեղ միջոցառումներով պարզվել է այսօր Շամիրամ գյուղում կատարված հանցագործության մեջ կասկածվողի ինքնությունը՝ Արամվիրի մարզի Մյասնիկյան գյուղի բնակիչ, 1967 թվականին ծնված Թելման Քալաշյան:

Այս մասին տեղեկացնում են ՀՀ ոստիկանության լրատվության և հասարակայնության հետ կապերի վարչությունից:

Ոստիկանության տեղեկացմամբ՝ իրականացվում են միջոցառումներ նրան հայտնաբերելու ուղղությամբ:

Նշանակվել են մի շարք փորձաքննություններ: Կատարվում է նախաքննություն:

Հիշեցնենք, որ այսօր Արագածոտնի մարզի Շամիրամ գյուղում գտնվող սգո սրահում կրակոցներ են հնչել, որի հետևանքով զոհվել է 4, վիրավորվել 7 մարդ:

Լուսանկարում Շամիրամ գյուղում կրակոցներ արձակելու մեջ կասկածվող 50-ամյա Թելման Վազիրի Քալաշյանն է