Ռոման Գոցիրիձեն հայտնվել է MTV-ի՝ Բեյոնսեի մասին սյուժեում
Վրաստանի ընդդիմադիր «Միացյալ ազգային շարժում» կուսակցության ղեկավար Ռոման Գոցիրիձեի սելֆիի անհաջող փորձի տեսանյութը տարածվել է ողջ համացանցում: Այս մասին տեղեկացնում է aliq.ge կայքը:
Տեսանյությում երևում է, թե ինչպես է պատգամավորը հեռախոսը ձեռքին փորձում լուսանկարել ինքն իրեն: Այնուհետև կադրում տեսնելով իր պատկերը՝ ժպտում է։
Տեսանյութը տեղ է գտել հայտնի Reddit կայքում՝ մեկ օրում հավաքելով ավելի քան 74 հազար հավանություն ու հազար մեկնաբանութուն:
Բացի այդ, այն ցուցադրվել է երաժշտական MTV հեռուստաալիքի՝ Բեյոնսեի մասին պատմող սյուժեում։ Պատգամավորի կադրերի ներքո հաղորդավարուհին ասում է՝ «Հայրիկների սերունդն ինստագրամում հավանություններ մեծ դժվարությամբ է ձեռք բերում»:
Beyonce's Dad In Hot Water After Pregnancy Post
Beyoncé's dad is in big trouble with the #Beyhive after his pregnancy post ?
Gepostet von MTV Australia am Sonntag, 18. Juni 2017
Տեսանյութը մեկնաբանել է նաեւ ինքը՝ Գոցիրիձեն՝ ասելով․ «Աշխարհում հայտնի Reddit-ում մեծ քննարկում է բարձրացել՝ սելֆի եմ նկարում, թե պանորամա: Իրականում ես ավելի քան մեկ միլիոն դիտում ու մեկնաբանություններ ունեմ՝ մեկը մյուսից դրական, իսկ օտարերկրացի կանայք ինձ հանգիստ չեն տալիս ծանոթանալու ցանկությամբ»,- գրել է պատգամավորն իր ֆեյսբուքյան էջում:
