Աշխարհի 209 ամենաթանկ քաղաքների շարքում Երևանը 195-րդն է. «Փաստ»
«Փաստ» օրաթերթը գրում է. «Հինգ աշխարհամասերի 209 քաղաքներում ապրանքների ու ծառայությունների գների համեմատության արդյունքում Mercer խորհրդատվական կազմակերպությունը կազմել է աշխարհի ամենաթանկ քաղաքների վարկանիշային ցանկը:
Ամենաթանկ հաճույքը Անգոլայի մայրաքաղաք Լուանդան է: Երկրորդ և երրորդ տեղերը կիսում են Հոնկոնգը և Տոկիոն: Տասնյակում տեղ են գտել նաև Ցյուրիխը, Սինգապուրը, Սեուլը, Ժնեւը, Շանհայը, Նյու Յորքն ու Բեռնը:
Ամենաթանկ քաղաքների վարկանիշային ցուցակում Մոսկվան 14-րդ տեղում է, Դուբայը՝ 20-րդ, Լոնդոնը՝ 30-րդ, Սանկտ Պետերբուրգը՝ 36-րդ, Ստամբուլը՝ 142-րդ, Կիևը՝ 163-րդ, Բաքուն՝ 182-րդ, Երևանը՝ 195-րդ, Թբիլիսին 204-րդ»:
Ամբողջությամբ կարող եք կարդալ «Փաստ» օրաթերթի այսօրվա համարում։
