Ֆրանսիայի նախագահն ընդունեց զինված ուժերի նախարարի հրաժարականը
Ֆրանսիայի նախագահ Էմանուել Մակրոնն ընդունել է երկրի զինված ուժերի նախարար Սիլվի Գուլարի կողմից իրեն ներկայացված հրաժարականը: Այդ մասին հայտնել է Ելիսեյան պալատը:
«Ֆրանսիայի նախագահն իր համաձայնությունը հայտնեց նրա դիրքորոշմանը»,-ասված է Էմանուել Մակրոնի վարչակազմի հայտարարության մեջ: «Հրաժարականին վերաբերող այդ հարցը վերջին օրերին Գուլարը քննարկում էր հանրապետության նախագահի եւ վարչապետի հետ»,- նշել է Ելիսեյան պալատը:
Նախարարն իր հրաժարականը եւ կառավարության նոր կազմում (այն կհայտարարվի մոտ օրերս) ընդգրկվել չցանկանալը պատճառաբանել է նրանով, որ մտադիր է պարզություն մտցնել «Դեմոկրատական շարժում» կուսակցության, որի ղեկավարության անդամներից մեկն է ինքը, ներկայացուցիչների կողմից օրենքների խախտման շուրջ ծագած կասկածների հարցում:
Գուլարն իր հայտարարության մեջ ընդգծել է, որ «մտադիր է ապացուցել իր բարի կամքը» այն պնդումների կապակցությամբ, ըստ որոնց կեղծ աշխատատեղեր ստեղծելու մեթոդով իր կողմից հափշտակվել են Եվրոպական խորհրդարանի միջոցները: Le Mond թերթի պնդումներով՝ Գուլարը այդ կերպ վճարում էր այն մարդկանց աշխատանքը, որոնք Ստրասբուրգում չէին հայտնվում Եվրախորհրդարանում, այլ շարունակումէԷին աշխատել կուսակցության աշխատակազմում, հաղորդել է ՏԱՍՍ-ը:
