Թրամփը Քիսինջերի հետ քննարկել է ԱՄՆ-ՌԴ հարաբերությունները
ԱՄՆ նախագահ Դոնալդ Թրամփը հայտարարել է, որ հանդիպել է ԱՄՆ նախկին պետքարտուղար Հենրի Քիսինջերի հետ, որպեսզի քննարկի Ռուսաստանի հետ հարաբերությունները:
Ինչպես հաղորդում է ՏԱՍՍ-ը, Թրամփի և Քիսինջերի հանդիպումը նշված չի եղել ԱՄՆ նախագահի օրակարգում և տեղի է ունեցել ՌԴ արտգործնախարարի հետ Թրամփի հանդիպումից անմիջապես հետո:
ԱՄՆ նախագահն ընդգծել է, որ հանդիպել է Քիսինջերին, որպեսզի խոսի. «Ռուսաստանի և տարբեր այլ հարցերի մասին»:
«Մենք քննարկում ենք Սիրիան, և կարծում եմ, որ մենք այս հարցում կհաջողենք, իրադարձությունները, որոնք տեղի են ունենում՝ շատ, շատ, շատ դրական են»,- ավելացրել է Թրամփը:
