«Յուվենթուսը» Չեմպիոնների լիգայի եզրափակչում է
Ֆուտբոլի Չեմպիոնների լիգայի 2016/17 րցաշրջանի եզրափակչի առաջին մասնակիցը Թուրինի «Յուվենթուսն» է:
Չեմպիոնների լիգայի կիսաեզրափակչի պատասխան խաղում «Յուվենթուսը» հյուրընկալել էր «Մոնակոյին» (2:1): Թուրինյան ակումբի ֆուտբոլիստներին հաջողվեց առաջ անցնել հաշվի մեջ հանդիպման 33-րդ րոպեին: Գոլի հեղինակ դարձավ Մարիո Մանջուկիչը: Խաղակեսի վերջին րոպեներին` հեռահար, դիպուկ հարվածով հաշվի տարբերությունը կրկնապատկեց Դանի Ալվեսը: Երկրորդ կեսում «Մոնակոյից» Մբապեն կրճատեց հաշվի տարբերությունը: «Յուվենթուսը» երկու խաղերի ընդհանուր 4:1 հաշվով դուրս եկավ Չեմպիոնների լիգայի եզրափակիչ:
Եզրափակչի մյուս զույգը հայտնի կլինի մայիսի 10-ին` «Ատլետիկո»-«Ռեալ» խաղից հետո: Թիմերի առաջին խաղում հաղթել էր «արքայական ակումբը» 3:0 հաշվով:
