«Եթե Ադրբեջանը շարունակի շատ «խոսել», ավելի շատ բան ունենք ասելու, և հաջորդ ասելը Բաքվում կլինի»
Այսօր Շուշիի ազատագրման 25 ամյակին նվիրված տոնական միջոցառումներին և Շուշիի այգում կազմակերպված ճաշկերույթին մասնակցում էին նաև Գագիկ և Մխիթար Ավշարյան եղբայրները, որոնք մասնակցել են Շուշիի ազատագրմանը և առաջինն են իրենց զրահատեխնիկայով մտել քաղաք:
168.am-ի հետ զրույցում Արցախի զրահատանկային ծառայության հիմնադիր, գնդապետ Գագիկ Ավշարյանը ողջունեց ազատամարտի բոլոր հերոսներին, զինվորներին ու ժողովրդին:
Նա վստահություն հայտնեց, որ հակառակորդի ցանկացած ոտնձգություն արժանի հակահարվածի կարժանանա:
«Մենք ինչ ասելու էինք Ադրբեջանին, ասել ենք 92-94թթ., իրենք լավ չեն հասկացել, անցած տարի էլ մեր երեխեքն են ասել: Բայց եթե շարունակեն շատ «խոսել», ավելի շատ բան ունենք ասելու: Եվ հաջորդ ասելը Բաքվում կլինի»,- հայտարարեց Գագիկ Ավշարյանը:
Լուսանկարում՝ Գագիկ Ավշարյանը ձախից:
