«Չելսին» Դիեգո Կոստայի համար «Տյանցզին Ցյուանցզյանից» պահանջում է 150 մլն եվրո
«Տյանցզին Ցյուանցզյանը» շարունակում է բանակցությունները «Չելսիի» հետ թիմի հարձակվող Դիեգո Կոստայի տրանսֆերի վերաբերյալ:
Հաղորդվում է, որ լոնդոնցիները տեղյակ են պահել չինական ակումբին այն մասին, որ պատրաստ են վաճառել 28-ամյա իսպանացուն 150 մլն եվրոյից ոչ պակաս գնով. համաշխարհային ֆուտբոլում դա ռեկորդային գին է տրանսֆերների համար:
Ավելի վաղ հայտնի էր դարձել, որ Կոստան չինական ակումբի հետ արդեն համաձայնեցրել է անձնական պայմանագիրը՝ տարեկան 30 մլն եվրո աշխատավարձով, իսկ «Չելսին» տրանսֆերի համար կստանա 90 մլն եվրո:
Պատրաստեց Անի Գաբուզյանը
