«Ինքնաբացարկի դիմումները հետ վերցրած անձինք խախտել են նախնական պայմանավորվածությունները». Միքայել Մելքումյան
«Ծառուկյան» դաշինքից Ազգային ժողովի պատգամավոր ընտրված պատգամավոր Միքայել Մելքումյանն անդրադարձել է դաշինքի՝ մանդատների հետ կապված խնդիրներին: Կառավարության ընդունելությունների տանը պատգամավորական մանդատների բաշխման արարողության մեկնարկից առաջ լրագրողների հետ զրույցում Միքայել Մելքումյանն ասաց, որ դրանք ներկուսակցական խնդիրներ են:
«Այն մարդիկ, ովքեր հետ են վերցրել մանդատներից հրաժարվելու դիմումները, խախտել են ձեռք բերված նախնական համաձայնությունը», նշեց Մելքումյանը: Պատգամավորը չհամաձայնեց դիտարկման հետ, թե նորաստեղծ խմբակցությունն արդեն փլուզվում է: «Ո՞վ է ասել, որ փլուզվում է: Նման խնդիրներ չկան»,- նշեց Միքայել Մելքումյանը:
«Ծառուկյան» դաշինքի ցուցակներով պատգամավոր ընտրված 23 անձ Կենտրոնական ընտրական հանձնաժողով ինքնաբացարկի դիմում էին ներկայացրել: Սակայն ինքնաբացարկիդիմում ներկայացրած անձանց ցանկի հրապարակումից հետո դաշինքի մի խումբպատգամավորներ հայտարարեցին, որ իրենք դիմում չեն գրել: Ինքնաբացարկի դիմումներկայացրած 23 անձանցից 12-ը հետագայում ԿԸՀին դիմեցին մանդատներից հրաժարվելուդիմումները չեղյալ համարելու և իրենց մանդատ տրամադրելու հարցով: Նրանցից 8-ի դիմումները ԿԸՀ-ն բավարարեց:
