«Այդ որոշումը կայացնողն ու պատասխանատուն գլխավոր շտաբի պետը չէ». Մովսես Հակոբյան
ՀՀ զինված ուժերի գլխավոր շտաբի պետ Մովսես Հակոբյանն այսօր «Եռաբլուր» զինվորական պանթեոնում լրագրողների հարցին՝ ի՞նչպես է մեկնաբանում ԼՂՀ Ազգային ժողովի նախկին պատգամավոր Վահան Բադասյանի՝ իր մասին արված հայտարարությունները, թե ինքն էլ բանակի հաշվին հարստացած գեներալ է, պատասխանեց, որ ոչինչ ասել չի կարող: Լրագրողներն, այնուամենայնիվ, հետաքրքրվեցին՝ իրականությանը համապատասխանո՞ւմ է այդ հայտարարությունը, ինչին ի պատասխան՝ Մովսես Հակոբյանն ասաց.
«Այդ մասով պատասխանը հնչեցվել է»: Նա չմանրամասնեց նաև, թե ՀԱՊԿ նախագահությունում ո՞ւմ թեկնածությունն է քննարկվում. «Այդ որոշումը կայացնողն ու պատասխանատուն գլխավոր շտաբի պետը չէ»:
