«Իսլամական պետության» ահաբեկիչները կրկին հարձակվել են թուրքական զորամիավորման վրա
«Իսլամական պետության» ահաբեկիչները հարձակվել են Սիրիայի Էլ-Բաբ քաղաքի մոտ տեղակայված թուրքական զորամիավորման վրա: Այս մասին հայտնում է թուրքական haberler.com-ը:
Հարձակման հետևանքով մեկ թուրք զինվոր սպանվել է, 5-ը` վիրավորվել: «Իսլամական պետություն» ահաբեկչական խմբավորման ահաբեկիչները հունվարի 20-ին հարձակվել էին «Եփրատի վահան» գործողության շրջանակներում Սիրիայի Էլ-Բաբ շրջանում տեղակայված թուրքական զորամիավորման վրա, ինչի արդյունքում 5 թուրք զինվոր սպանվել էր, 9-ը` վիրավորվել:
