«Հայաստանում գործում են ժամանակակից բժշկության կողմից խստորեն արգելված՝ վահանաձև գեղձի հիվանդությունների բուժման հնացած ու սխալ մոտեցումներ». ահազանգում են մասնագետները
Մասնագետներն ահազանգում են, որ Հայաստանում դեռևս գործում են ժամանակակից բժշկության կողմից խստորեն արգելված՝ վահանաձև գեղձի հիվանդությունների բուժման հնացած ու սխալ մոտեցումները:
Այս մասին այսօր հրավիրված մամուլի ասուլիսի ընթացքում խոսեցին Էնդոկրինոլոգ, բժշկական գիտությունների դոկտոր, պրոֆեսոր, ԵՊԲՀ-ի էնդոկրինոլոգիայի ամբիոնի վարիչ, «Մուրացան» համալսարանական հիվանդանոցի էնդոկրինոլոգիական կլինիկայի ղեկավար, ՀՀ ԱՆ գլխավոր մանկական էնդոկրինոլոգ Ելենա Աղաջանովան, վիրաբույժ-ուռուցքաբան, վիրաբույժ ՝ գլխի և պարանոցի, բ. գ. թ., «Արթմեդ» բժշկական կենտրոնի գլխի և պարանոցի վիրաբուժության բաժանմունքի վարիչ Արամ Բադալյանը և ԵՊԲՀ Ճառագայթային ախտորոշման ամբիոնի ավագ դասախոս, Սուրբ Գրիգոր Լուսավորիչ բժշկական կենտրոնի բժիշկ-ռադիոլոգ Արսեն Բալայանը:
«Վահանաձև գեղձի ֆունկցիայի խանգարումը կատարվում է տարբեր պատճառներով՝ հիմնականում պայմանավորված ժառանգականությամբ, յոդի անբավարարությամբ և ճառագայթվածությամբ»,- հստակեցնում է ասուլիսի մասնակից, Էնդոկրինոլոգ Ելենա Աղաջանովան և հավելում, որ դրա ֆունկցիայի խանգարման հետևանքով առաջանում է խպիպը, երբ վահանաձև գեղձի չափերը մեծանում են՝ իջեցնելով կամ բարձրացնելով վահանաձև գեղձի ֆունկցիան: Հիվանդությունը կարելի է ախտորոշել ինչպես՝ գանգատների առկայության դեպքում, այնպես նաև՝ սկրինինգային հետազոտության արդյունքում:
Մանրամասները՝ տեսանյութում:
