Ռուսաստանը Հալեպի բնակչությանը տրամադրել է 4.4 տոննա հումանիտար օգնություն
Ռուս զինվորականները վերջին օրերի ընթացքում սիրիական Հալեպ քաղաքի բնակիչներին են փոխանցել 4.4 տոննա հումանիտար օգնություն: Ինչպես փոխանցում է «Ռիանովոստի»-ն, այդ մասին տեղեկացրել է Սիրիայում հաշտեցման ռուսական կենտրոնը:
«Վերջին օրերի ընթացքում անցկացվել է յոթ հումանիտար ակցիա, որոնց ընթացքում Հալեպի խաղաղ բնակչությանը փոխանցվել է շուրջ 4.4 տոննա հումանիտար օգնություն` սննդամթերք, դեղամիջոցներ, հագուստ և դպրոցական պարագաներ»,- նշված է հայտարարության մեջ:
Ռուսական կենտրոնում նաև ավելացրել են, որ շարունակում են աշխատել տաք կերակուրների և առաջին անհրաժեշտության ապրանքների տրամադրման կետերը:
