«Գագիկ Ծառուկյանը հայտարարություն կանի ճիշտ ժամին և ճիշտ պահին». Նաիրա Զոհրաբյան
168.am-ը ԲՀԿ ղեկավար Նաիրա Զոհրաբյանից հետաքրքրվեց, արդյոք հայտնի՞ է, թե Գագիկ Ծառուկյանը երբ պետք է հայտարարություն անի:
«Ես հասկանում եմ, որ քաղաքական դաշտի ամենամեծ ինտրիգը մնում է պարոն Ծառուկյանի հայտարարությունը, բայց մեկ բան կարող եմ ասել՝ Գագիկ Ծառուկյանը հայտարարություն կանի ճիշտ ժամին և ճիշտ պահին»,- ասաց նա:
Իսկ հարցին՝ ԲՀԿ-ում նախնական ցուցակներ կազմվո՞ւմ են մինչև Ծառուկյանի հայտարարությունը, նա այսպես պատասխանեց. «Բնականաբար, կուսակցությունն աշխատում է, բայց բոլոր հարցերին ես կպատասխանեմ միայն Ծառուկյանի հայտարարությունից հետո»:
