«Մինչև «Յուվենթուսը» ինձ չվռնդի, ես չեմ հեռանա». Մասիմիլիանո Ալեգրի
«Յուվենթուսի» գլխավոր մարզիչ Մասիմիլիանո Ալեգրին մեկնաբանել է Անգլիայի Պրեմիեր լիգա իր հավանական տեղափոխության մասին ԶԼՄ-ների հաղորդագրությունները:
«Ես սովորում եմ անգլերեն, բայց դա անում եմ արդեն երկար տարիներ:
Դա անհավատալի է: Ամեն անգամ, երբ ես դստերս հետ մեկնում էի Լոնդոն, օդանավակայանում քայլելիս հանդիպում էի թերթերի, որոնց վրա իմ մեծ լուսանկարն էր պատկերված և գրված էր, որ ես պատրաստվում եմ տեղափոխվել «Արսենալ»:
Այդ ժամանակ ես ասում էի. «Գրողը տանի, և ե՞րբ է դա տեղի ունենալու»:
Ես ինձ լավ եմ զգում «Յուվենթուսում», և եթե նրանք ինձ չվռնդեն, ես պատրաստ եմ շարունակել աշխատանքս»,- Sky Sport Italia-ի հետ զրույցում ասել է Ալեգրին:
Պատրաստեց Անի Գաբուզյանը
