Իվան Ռակիտիչը «Բարսելոնայից» կտեղափոխվի «Մանչեսթեր Սիթի»
Խորվաթը դժգոհ է իր խաղային ժամանակից:
Իվան Ռակիտիչը «Վիլյառեալի» դեմ կիրակնօրյա խաղում չէր հայտնվել թիմի մեկնարկային կազմում և մոտ ապագայում, ամենայն հավանականությամբ, կփոխի ակումբը:
«Բարսելոնայի» հետ խորվաթ ֆուտբոլիստի տրանսֆերի վերաբերյալ բանակցություններ է վարում «Մանչեսթեր Սիթին»:
Խոսեպ Գվարդիոլան ցանկանում է ձեռք բերել Ռակիտիչին արդեն այս ձմեռ, իսկ 28-ամյա ֆուտբոլիստն ինքը դժգոհ է իր խաղային ժամանակից, հաղորդում է Jutarnji List-ը:
Հոկտեմբերի 29-ից Լա Լիգայում Ռակիտիչը «Բարսելոնայի» կազմում ոչ մի լիարժեք հանդիպում չի անցկացրել, իսկ վերջին 3 խաղերին ընդհանրապես չի մասնակցել:
Պատրաստեց Անի Գաբուզյանը
