ԿԸՀ-ն ծանրաբեռնված աշխատում է

ԿԸՀ-ն ծանրաբեռնված աշխատում է

Ապրիլի 2-ին կայանալիք խորհրդարանական ընտրություններին ընդառաջ ակտիվ աշխատանքներ են ընթանում Կենտրոնական ընտրական հանձնաժողվում։ ԿԸՀ նախագահի մամուլի քարտուղար Հերմինե Հարությունյանը 168.am-ին տեղեկացրեց, որ այսօր ավարտվել է նախընտրական քարոզչության ժամանակահատվածում կուսակցություններին և դաշինքներին տրամադրվող վճարովի եթերաժամի 1 րոպեի գնի հրապարակման ժամկետը, և մինչև օրվա վերջ ցուցակը կհրապարակվի։

«Ծանրաբեռնված աշխատում ենք, ժամանակացույցի համաձայն՝ բոլոր գործառույթները կատարվում են»,- ասաց Հ. Հարությունյանը։

Անցած տարվա դեկտեմբերի 30-ի դրությամբ ՀՀ-ում ընտրողների թիվը, ըստ ՀՀ ոստիկանության Անձնագրային և վիզաների վարչության ներկայացրած տեղեկանքի, 2 մլն 564 հազար 334 է։

Կուսակցությունների և դաշինքների գրանցման համար փաստաթղթերը ԿԸՀ պետք է ներկայացվեն փետրվարի 2-16-ը, իսկ ընտրական ցուցակների գրանցումը կկատարվի փետրվարի 16-26-ը։

Հ. Հարությունյանը նաև նշեց, որ սկսվել է նաև լրագրողների հավատարմագրումը, որը կշարունակվի մինչև մարտի 18-ը։ Հիշեցնենք, որ ըստ նոր Ընտրական օրենսգրքի՝  քվեարկության օրը տեղամասերում լուսաբանում իրականացնելու համար յուրաքանչյուր ԶԼՄ կարող է հավատարմագրել մինչև 50 լրագրողի։

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-06-08
«Ո՛չ Հայաստանի, ո՛չ Ադրբեջանի հաղթանակն այս հակամարտության մեջ ոչ մի դեպքում Պուտինին չի գոհացնում»
«Ձեր հույսերը, որ Մոսկվան չի հակառակվի այդ փաստաթղթին, զուր են։ Մոսկվան կդժգոհի և ամենակտրուկ ձևով կխոչընդոտի դրա ստորագրմանը»։