Երկրպագուները Բուֆոնին ճանաչել են Իտալիայի հավաքականի լավագույն ֆուտբոլիստ
Դարպասապահ Ջանլուիջի Բուֆոնը ճանաչվել է 2016թ. Իտալիայի հավաքականի լավագույն ֆուտբոլիստ: Դափնեկիրը հավաքել է երկրպագուների ձայների 37 տոկոսը: Երկրորդ հորիզոնականը զբաղեցրել է հարձակվող Անդրեա Բելոտին (27 տոկոս), իսկ երրորդը պաշտպան Լեոնարդո Բոնուչին է (19):
Դարպասապահը կստանա հատուկ մրցանակ՝ «Կապուտակ գնդակ»: Մրցանակը կշնորհվի ֆուտբոլիստին, երբ ազգային հավաքականը առաջին անգամ հավաքվի 2017 թվականին:
Պատրաստեց Անի Գաբուզյանը
