ԱՄՆ-ն տարհանում է իր դիվանագետներին Գամբիայից
ԱՄՆ Պետդեպարտամենտը պարտավորեցրել է Գամբիայում ամերիկյան դեսպանության բոլոր աշխատակիցների ընտանիքների անդամներին արագ հեռանալ այդ արևմտաաֆրիկյան երկրից՝ կապված անկարգությունների ռիսկի հետ, հայտնում է BBC-ն:
Գամբիայում գտնվող բոլոր ամերիկացի քաղաքացիներին խորհուրդ է տրվել մտածել երկրից հեռանալու մասին:
Հիշեցնենք, որ Գամբիայի նախագահ Յախյադ Ջամմեն, որը իշխանության ղեկին է արդեն 22 տարի, դեկտեմբերի 2-ին անսպասելի ընդունել էր իր պարտությունը ընտրություններում, սակայն մեկ շաբաթ անց փոխել էր մտադրությունը՝ իբր խախտումներ հայտնաբերելով քվեարկության ընթացքում:
ՄԱԿ-ը դատապարտել է Գամբիայի նախագահի որոշումը՝ չընդունել նախագահական ընտրությունների արդյունքները:
