«Եթե ազնիվ լինեմ՝ դեռ չեմ էլ մտել քաղաքական գործունեության մեջ». Իգնատի Առաքելյան
«Ես չեմ կարող ասել՝ հաջորդ տարի ինչ լինի»,- 168.am-ի հետ զրույցում ասաց ՀՀ գյուղատնտեսության նախարար Իգնատի Առաքելյանը՝ պատասխանելով հարցին, թե արդյոք հաջորդ տարի ընտրություններից հետո, եթե Կարեն Կարապետյանը չմնա վարչապետի պաշտոնում, ինքը շարունակելո՞ւ է զբաղվել քաղաքականությամբ։
Նա նշեց, որ Հայաստանի Հանրապետական կուսակցությանն անդամագրվելը չի համարում «որևէ բանի հետ կապված». «Կա՛մ դու մտնում ես կուսակցություն ու կուսակցական ես, կա՛մ դու չես մտնում և կուսակցական չես։ Այս պահին մտել եմ և կուսակցական եմ, չեմ կապում դա որևիցե անձի հետ»։
Թե ինչպե՞ս է պատկերացնում իր քաղաքական գործունեության շարունակությունը, Ի.Առաքելյանը պատասխանեց. «Եթե ազնիվ լինեմ՝ դեռ չեմ էլ մտել քաղաքական գործունեության մեջ, բացի նրանից, որ անդամագրվել եմ կուսակցությունում, ավելի շատ զբաղվում եմ գյուղատնտեսությունով, քան քաղաքականությամբ»։
